Lèsnan di mi kurason femenino

“Pa straño ku por parse, mi atake di kurason a drecha mi kalidat dibida.”

Na edat di sinkuentiun aña, Ingeborg Boswinkel, den flor di su bida, a haña un infarto di kurason miéntras e tabata na Aruba ku fakansi huntu ku su famia. Sorprendé ku e life event impaktante akí, i den un tiru konsiente di su propio mortalidat, el a bai buska e kontestanan riba tur e preguntanan ku tabata dominá su mente. Den e buki akí, e ta kompartí loke el a siña i kon el a logra stabilisá su bida atrobe ku fit (moveshon), food (nutrishon), focus (enfoke) & fun (kos agradabel). Ke men: tur loke bo ke sa pa alkansá un bida salú i di mihó kalidat despues di un infarto di kurason.

Tin mas o ménos 675.000 pashènt kardiako i vaskular femenino na Hulanda i e kantidat akí ta kresiendo di forma spantoso. Kurason femenino ta otro for di kurason maskulino i e kehonan di hende muhé ta otro for di esnan di hende hòmber. Dor di rekonosé problema di kurason mas trempan serka hende muhé i ku e aserkamentu korekto di e rísikonan i estilo di bida, e chèns riba un infarto di kurason serio, lo bira konsiderablemente ménos.

A skibi e buki akí pa tur hende muhé ku tin (prinsipionan di) problema ku kurason òf ku tabatin un infarto di kurason i ku ta sintá ku hopi pregunta no-kontestá.
• Kon nos kurason ta funshoná?
• Ki tipo di keho ta indiká problema kardiako serka hende muhé i dikon, hopi biaha, ta konsiderá nan komo kehonan di menopousa?
• Kiko a sosodé den mi kurpa na momentu ku m’a haña un infarto?
• Dikon mi tin problema di kurason, atami ta biba salú?
• Dikon mi mester bebe tantu remedi i pa kuantu tempu?
• Kiko mi mester kome òf keda sin kome pa mantené mi kurason salú?
• Realmente mi mester kuminsá kore duru i praktiká yoga?
• Kon asina “gewon dal bai mas trankil”; kon bo ta hasi esaki awor?

Den e buki akí, Ingeborg ta duna kontesta riba e preguntanan akí, for di su propio eksperensianan.

P.S. E buki ta bon pa bo lesa tambe si bo ke evitá problema ku bo kurason!